Áíonn Ó Cuív go ndáilfí láithreach an €45m atá ar fáil faoin gClár Forbartha Tuaithe 2007-2013

Scríofa ag Eamon Ó Cuív Dé Luain, 19 Deireadh Fómhair 2009

Nuacht - Preaseisiúintí

D'áitigh Éamon Ó Cuív, TD, an tAire Gnóthaí Pobail, Tuaithe agus Gaeltachta ar na gCuideachtaí Comhpháirtíochta Forbartha Áitiúla Comhtháite go léir ar fud na tíre inniu, chun maoiniú €45m atá ar fáil láithreach faoin gClár Forbartha Tuaithe a leithdháileadh le haghaidh deontas do thionscadail fhiúntacha a dhéanfaidh difríocht mhór dá bpobail.

Dúirt an tAire Ó Cuív:

"Ag deireadh mhí Lúnasa na bliana seo, bhí mé an-sásta cinneadh an Choimisiúin Eorpaigh a thuairisciú go raibh cead á thabhairt do thionscadail áirithe chaipitil faoin gClár Forbartha Tuaithe chun maoiniú breise a fháil ó Údaráis Áitiúla. Baineann feidhm leis seo maidir le tionscadail chaipitil faoi thrí bheart - athbheochan agus forbairt sráidbhaile, seirbhísí bunúsacha don gheilleagar agus an daonra tuaithe agus caomhnú agus uasghrádú na hoidhreachta tuaithe - agus ceadaíonn sé suas go dtí 95% de mhaoiniú an tionscadail a sholáthar. Tá sé seo fíordhearfach toisc go mbeidh na Cuideachtaí Forbartha Áitiúla, pobail agus Údaráis Áitiúla in ann tionscadal lena mbaineann scála níos mó agus éagsúlacht níos mó a ghlacadh mar thoradh air.

"Tá a fhios againn go léir go bhfuil cúrsaí crua faoi láthair, agus dá bhrí sin, tá sé níos tábhachtaí ná riamh cheana go mbaintear úsáid an t-airgead ar fáil anois láithreach go tapa agus go mbainfear an leas is fearr as. Creidim gur féidir le pobail tuaithe tairbhe mhór a bhaint as an €45m atá ar fáil le leithdháileadh láithreach ar na Cuideachtaí Forbartha Áitiúla Comhtháite agus go mbaineann poitéinseal leis chun an deis a thabhairt do na pobail sin céim shuntasach a ghlacadh i dtreo téarnamh eacnamaíoch roimh dheireadh na bliana."

Tá liosta maoinithe do gach ceann de na Cuideachtaí Forbartha Áitiúla faoi iamh leis seo.

Nóta don Eagarthóir:

Faigheann an Clár Forbartha Tuaithe cómhaoiniú ón Rialtas agus ón Aontas Eorpach agus baineann ríthábhacht leis maidir le hathbheochan cheantair thuaithe na hÉireann. Faoin gClár Forbartha Tuaithe 2007-2013, cuirfear an maoiniú is airde ar taifead, €425.4 milliún, ar fáil. Is é sin beagnach trí huaire na suime a cuireadh ar fáil faoin gClár deireanach (2000-2006), agus an pacáiste is mó riamh le haghaidh forbairt tuaithe. I dteannta leis an infheistíocht phríobháideach a mheallfaidh sé, ba chóir go gcinnteoidh an maoiniú seo caiteachas os cionn €1bn i gceantair thuaithe na hÉireann.

Clár Forbartha Tuaithe 2007-2013

*Figiúirí cruinn amhail an 12/10/09