€100,000 ceadaithe ag Ó Cuív d’Athnuachan Baile i gCo. Mhaigh Eo
Scríofa ag Eamon Ó Cuív Dé Céadaoin, 04 Samhain 2009
Tá fógartha ag an Aire Gnóthaí Pobail, Tuaithe agus Gaeltachta, Éamon Ó Cuív TD, go bhfuil deontais de €100,000 ceadaithe aige do Chomhairle Chontae Mhaigh Eo chun scéimeanna feabhsúcháin a chur i gcrích i roinnt bailte i bParóiste Chill Chomáin, Co. Mhaigh Eo. Tá na hoibreacha seo mar pháirt de phlean Fhóram Pobail Iarthuaisceart Mhaigh Eo ina bhfuil infhéistíocht de €750,000 beartaithe roimh dheireadh na bliana seo, mar a fógraíodh ar an 05/10/09.
Tá an t-airgead seo á cheadú chun cosáin choisithe, tírdhréachú, soilse agus feabhsúcháin ghaolmhara a dhéanamh sna bailte Inbhear, Poll an tSómais, Ros Dubhach, Corrán Buí agus Ceathrú Thaidhg/Ceathrú na gCloch.
Duirt an tAire Ó Cuív go gcuirfear tús leis na tionscadail feabhsúcháin phobail seo go luath agus cuirfear i gcrích iad, den chuid is mó, in 2009.
Seo a leanas sonraí na n-oibreacha:
|
Áit |
Sonraí na n-oibreacha |
Costas iomlán |
Deontas na Roinne |
|
Inbhear |
§ 9 sholas a chur in áit ar an gcosán atá ann cheana féin ón eastát tithíochta ó thuaidh chomh fada leis an scoil; § Na sreanganna atá ann a chur faoi thalamh 550m |
€35,000 |
€12,075 |
|
Poll an tSómais |
§ 12 sholas a chur in áit ar an gcosán atá ann cheana féin ón scoil chomh fada leis an oifig poist/eastát tithíochta; § Suíocháin a chur in áit chomh maith le tírdhreachú |
€35,000 |
€12,075 |
|
Ros Dumhach |
§ Cosán stroighne (1.5m ar leithead) a thógáil idir an scoil náisiúnta agus an meánscoil; § Tírdhréachú agus troscán sráide |
€115,000 |
€39,625 |
|
Corrán Buí |
§ Cosán 220m a thógáil idir an séipéal agus an ionad pobail; § 6 sholas a chur ann; § Draenáil agus tírdhréachú, fad 210m |
€70,000 |
€24,150 |
|
Ceathrú Thaidhg / Ceathrú na gCloch |
§ Tírdhréachú a dhéanamh ar an triantán os comhair na seanscoile; § Áit phicnice a fhorbairt i gCeathrú na gCloch |
€35,000 |
€12,075 |
|
IOMLÁN |
|
€290,000 |
€100,000 |
Issued by the Press & Information Office at the Dept. of Community, Rural and Gaeltacht Affairs
Eisithe ag Oifig Preasa & Eolais na Roinne Gnóthaí Pobail, Tuaithe agus Gaeltachta
Tel/Teil: 01 6473130 Fax/Facs: 01 6670826 087 7956378
Email/ Ríomhphost:
This e-mail address is being protected from spambots. You need JavaScript enabled to view it
Web/Gréasán: www.pobail.ie
